مقصود اعظم فاضلی
لکھ اے قلم ! ادب سے، بصد احترام لکھ
عشقِ نبی میں ڈوب کے نعت و سلام لکھ
…
اترے گی اب نہ وحی کوئی آسمان سے
نبیوں کے سلسلے کا ہوا اختتام لکھ
…
لیکر چلا ہے جب کوئی پیغامِ مصطفیٰ
تسخیر ہوگیا ہے خدا کا نظام لکھ
…
مل جائے گی سخن کو سند اعتبار کی
پڑھ کے درود مدحتِ خیر الانام لکھ
…
ان کے علاوہ سارے زمانے کو بھول جا
اس طرح لوحِ دل پہ محمد کا نام لکھ
…
اخلاقِ مصطفیٰ کے ترازو میں سب کو تول
آقا کسی کو لکھ نہ کسی کو غلام لکھ
…
اعظم خدا نے جن کا سوا مرتبہ کیا
تیری کہاں بساط کہ ان کا مقام لکھ
تبصرے بند ہیں۔