یاد رفتگاں: بیاد مولانا محمد اسرار الحق قاسمی مرحوم
احمد علی برقیؔ اعظمی
مولانا اسرارالحق کی اپنی الگ تھی اک پہچان
اُن کے پیشِ نظر رہتا تھا قومی اور ملی رجحان
…
ملی مسائل پر ان کے رشحات قلم ہیں وردِ زباں
یاد رہیں گے اہلِ وطن کو اُن کے کارِ عظیم الشان
…
اُن کے سیاسی اور اصلاحی کالم تھے بیحد مقبول
تا دمِ مرگ تھا اُن کے فلاحی کاموں کا جاری فیضان
…
قومی مسائل پر لکھتے تھے اردواخبارات میں جو
رکھیں گے ان کی یاد کو زندہ اُن کے مضامیں کے عنوان
…
رکن تھے قومی اور ملی تنظیموں کے وہ اک فعال
اس بحرانی دور میں ان کی رحلت ہے ملی نقصان
…
کرتے تھے ابنائے وطن کی خدمت وہ حتی المقدور
عہدِ رواں کے ایک فرشتہ خصلت تھے ، برقیؔ انسان
…
تاریخ وفات : ۷ دسمبر ۲۰۱۸
تبصرے بند ہیں۔