Warning: Constant WP_MEMORY_LIMIT already defined in /home/u849380803/domains/mazameen.com/public_html/wp-config.php on line 115
بتاؤ کیوں مُسکرا رہے ہو - مضامین ڈاٹ کام

بتاؤ کیوں مُسکرا رہے ہو

احمد علی برقیؔ اعظمی

تم آرہے ہو کہ جا رہے ہو
بتاؤکیوں مُسکرا رہے ہو

…

یہ کیسا جلوہ دکھا رہے ہو
نگاہ و دل میں سما رہے ہو

…

کرو گے کیا خاک خانۂ دل
نظر سے بجلی گرا رہے ہو

…

ملے گا کیا ایسا کرکے تم کو
کیوں مجھ کو ناحق ستا رہے ہو

…

ہے عارضی کر و فر تمہارا
یہ جشن جو تم منا رہے ہو

…

منائے گا خیر اپنی کب تک
جسے تم اب تک بچا رہے ہو

…

لہو پُکارے گا آستیں کا
جو قتل کرکے چھپارہے ہو

…

جہاں میں کردے گا تم کو رسوا
جو ظلم برقی پہ ڈھا رہے ہو

تبصرے بند ہیں۔