مقصود اعظم فاضلی
قدم تو رکھ دیا خوش ہوکے چاند پر اپنا
زمیں سے ٹوٹ گیا رابطہ مگر اپنا
…
ترے نہ ہو نے کا غم رات دن ستائے گا
یہ اور بات کہ کٹ جائے گا سفر اپنا
…
میں اپنی بات وہاں کہنے جا رہا ہوں ، جہاں
ہر ایک شخص کا ہے نقطہء نظر اپنا
…
وہ. میری بات سنیں گے یہ غیر ممکن ہے
میں پھوڑتا ہوں عبث پتھروں سے سر اپنا
…
تماش بیں ہیں ابھی محویت کے عالم میں
گیا دکھا کے تماشہ ، تماشہ گر اپنا
…
فضا چمن کی مکدر سی ہو گئی اعظم
پرندے چھوڑ کے جانے لگے ہیں گھر اپنا
تبصرے بند ہیں۔