ذیشان الہی
تو کیا تم نے ارادہ کر لیا ہے
سارے دیرینہ تعلق توڑ کر تم
اک نیا رشتہ بناؤ گی؟
سبھی مانوس رستے چھوڑ کر تم
اک نئے رستے پہ جاؤ گی؟
اگر ہے واقعی ایسا
تو اتنا دھیان میں رکھنا
کہ جو رشتہ
بہت سارے عزیز از جان رشتوں کی
ہلاکت کا سبب ٹھہرے
زیادہ دن تلک باقی نہیں رہتا
جو چہرہ
اپنے ہی پیاروں کی شکلیں بھول جانے پر
تمہیں مجبور کرتا ہو
وہ اپنا ہو نہیں سکتا
محبت…(عمر ہی جس کی ابھی دو چار دن کی ہے)
تمہیں اپنے عزیزوں کی محبت سے الگ کر دے
محبت ہو نہیں سکتی
تبصرے بند ہیں۔