مجاہد ہادؔی ایلولوی
اب عصبیت کو چھوڑ دے تو اپنے من سے دیکھ
ہے کتنا پیار مجھ کو مرے اس وطن سے دیکھ
…
رہبر ہمارا اچھا ہو لوگوں کا ہے خیال
رستے ملے ہیں ہم کو مگر راہزن سے دیکھ
…
ایسے ہی تھوڑی کہتے ہیں حیوان ہے عظیم
بیدار ہوگئی ہے عدالت ہِرن سے دیکھ
…
ناراض تجھ سے مفلسی ہوجائے گی مری
پیوند کو ہٹا کے تو میرے کفن سے دیکھ
…
ظلمت کدہ بنا تھا یہ سارا جہاں مگر
کتنی ہوئی ہے روشنی اب علم و فن سے دیکھ
…
کہتی ہے آصفہ یہ مرے رب سے چیخ کر
کرتے ہیں کیسے کھیل یہ نازک بدن سے دیکھ
…
ایمان دار جب سے ہے ہادؔی تو بن گیا
سب جا رہے ہیں اٹھ کے تری انجمن سے دیکھ
تبصرے بند ہیں۔