اچھا ہوا کہ سر سے مصیبت ہی ٹل گئی
دستگیر نواز
اچھا ہوا کہ سر سے مصیبت ہی ٹل گئی
تصویر اک حسین کی دل سے نکل گئی
…
برسوں کے بعد اس کے تبسم کو دیکھ کر
لگتا ہے جیسے اب مری قسمت بدل گئی
…
وہ جاچکا ہے ایک امانت کو چھوڑ کر
داغ ِ جنوں سے اپنی طبیعت بہل گئی
…
بہتر ہے تجھ سے، دل کو جو بہلائے صبح و شام
تصویر تیری پیار کے سانچے میں ڈھل گئی
…
ناراضگی کا کوئی سبب تو نہیں نواز
منہ پھیر کر قریب سے میرے غزل گئی
تبصرے بند ہیں۔