جس دن سے تری آنکھ کو نم دیکھ رہے ہیں

سرفراز حسین

(مرادآباد یو۔پی۔ الہند)

جس دن سے تری آنکھ کو نم دیکھ رہے ہیں

اس  دل  میں بہت رنج و الم دیکھ رہے ہیں

…

اک  کیف  کا عالم  ہے  تری  بزم  میں ساقی

بہکے  ہوئے  ہم  سب  کے قدم دیکھ رہے ہیں

…

ہم   پر  ہی  نہیں  ہوتی  کبھی  نظرِ  عنايت

غیروں  پہ  مگر  تیرے  کرم  دیکھ  رہے ہیں

…

ہو   جائے   نہ   رسوا  کہیں  الفت  یہ  ہماری

چھپ چھپ کےیونہی آپ کوہم دیکھ رہے ہیں

…

تعلیم   سے   دوری   کا  سبب  ہے  یہ  یقیناً

سنجیدگی بچوں میں جو کم دیکھ رہے ہیں

…

اعزاز  صداقت  کے  جنھیں  ملنے  تھے  یارو

ہوتے  ہوئے  سر  ان  کے  قلم  دیکھ  رہے ہیں

…

مسند نشیں جب سےہوئے یہ عقل کے اندھے

ہر  آنکھ  کو  روتے  ہوئے  ہم  دیکھ رہے ہیں

…

کب   آ کے   گلے   سے   تو  لگائے  گا  بتا دے

ہم  راہ  تری  کب  سے  صنم  دیکھ رہے ہیں

…

وعدے  پہ  کبھی  آتے  نہیں  یہ ہے شکايت

کھاتے  ہو  سدا جھوٹی قسم دیکھ رہے ہیں

…

مسکان سے چہرے جوسجے رہتے ہیں ہر دم

ہوتا  ہے  یہاں ان کو بھی غم دیکھ رہے ہیں

…

جب  سے  یہ  سنا  ہے  کہ عیادت کو وہ آئے

بے  دم  میں  بھی  آتا ہوا دم دیکھ رہے ہیں

…

یوں  ہی  تو  عدالت  سے  یقیں اٹھ گیا اپنا

بکتے  ہو ئے  منصف  کے  قلم دیکھ رہے ہیں

…

جس جابھی نظرجاتی ہےاس جاہی فراز ہم

پھٹتے  ہوئے  منہگائی کے بم دیکھ رہے ہیں