سالک ادیؔب بونتی
خوش فہمیوں میں پڑگئے باتوں پہ مرگئے
سادہ مزاج لوگ اداؤں پہ مرگئے
…
جانانہ حال چال اشاروں پہ مرگئے
کچھ حسن کے پجاری نگاہوں پہ مرگئے
…
بس بےہدف قدم کوبڑھاتےچلےگئے
مجبور دل نوازتھےراہوں پہ مرگئے
…
یہ حادثہ بھی دیکھاہےآنکھوں نے بارہا
موجوں سے لڑنےوالےکناروں پہ مرگئے
…
اپنےکمالِ ضبط پہ جن کو تھا ناز وہ
گلشن کی بات آئی گُلابوں پہ مرگئے
…
جن پراثرکِیانہ کبھی زہرِ ہلاہل
وہ بھی مسیحا! تیری عطاؤں پہ مرگئے
…
دردِ جگر چھپاکےجوجیتےرہےادیؔب
چارہ گری کےدھندلے گمانوں پہ مرگئے
تبصرے بند ہیں۔