فضیل جعفری کے سانحۂ ارتحال پر منظوم تاثرات
احمد علی برقی اعظمی
فضیل جعفری دنیا سے ہوگئے رخصت
کہ لازوال صحافت میں جن کی ہے خدمت
…
ادیب و شاعر و نقاد سرشناس تھے وہ
زیاں ادب کا ہے ان کی یہ ناگہاں رحلت
…
نگارشات میں ان کی بلا کی تھی تاثیر
کبھی نہ فرض سے اپنے جنھوں نے کی غفلت
…
سخنوری میں بھی تھا عہد ساز ان کا کلام
دلوں پہ نقش ہے ان کے کلام کی عظمت
…
تھے انقلاب کی روحِ رواں ادارت میں
وہ جانتے تھے قلمکار کی ہے کیا حُرمت
…
جو سوگوار ہیں ان کو ملے سکونِ قلب
خدا کے فضل سے ان کو نصیب ہو جنت
…
ہے ان کی عظمت و حُرمت کا قدرداں برقی
جو چاہتے تھے اُنہیں کم نہ ان کی ہو چاہت
تبصرے بند ہیں۔