میں جا رہا ہوں

حبیب بدر ندوی

میکدہ کے اے ساقیو، پلاؤ جام، میں جا رہا ہوں

قسمت میں میری وفا نہیں ہے،  پیام لے کے میں جا رہا ہوں

…

ہزار بار وہ مڑ کے دیکھا،  کہاں یہ فرصت کہ مئے پلائے

جی بھر کےاب انتقام لے لو،  اشک بہائے میں جارہا ہوں

…

کہاں ہیں وعدے، کہاں ہیں قسمیں، جو اجڑے موسم میں تم کئے تھے

بہار آیا تو کرلو مستی، دیوانہ بن کے میں جارہا ہوں

…

تمہاری انجمن تمہیں مبارک، میری انجمن میں گزر نہیں ہے

نغمہ وداع کا سب مل کے گاؤ، فسانہ بن کے میں جا رہا ہوں

…

 وفا پہ تیری مجھے شک نہیں تھا، رنجور  اس لیے ہوں میں

ہزار انجمن وفا کے ہیں ، کسی انجمن میں، میں جا رہا ہوں

…

یونہی مسکراؤ جہاں میں تم ، خدا سے میری دعا یہی ہے

میری التجاہے تم سے اتنا ، مجھے بھلاؤ، میں جا رہا ہوں