پھول پتھر پہ کھلانے میں بہت وقت لگا
محبوب عالم دلکش اعظمی
پھول پتھر پہ کھلانے میں بہت وقت لگا
دل کو آئینہ بنانے میں بہت وقت لگا
…
رسم فاتحہ ادا کر دیا گھر والوں نے
جب اسے لوٹ کے آنے میں بہت وقت لگا
…
اک ذرا دیر لگی ہوگیا نذر آتش
وہ مکاں جس کو بنانے میں بہت وقت لگا
…
جانے کیا بات ہوئی دیکھنے کے بعد تجھے
چاند کو چاند بتانے میں بہت وقت لگا
…
اجنبی شہر تھا ناآشنا تھے لوگ وہاں
اس لئے دل کو لگانے میں بہت وقت لگا
…
بھول جانا ہی بڑی بات ہے اس کو دلکش
یہ الگ بات ب ھلانے میں بہت وقت لگا
تبصرے بند ہیں۔