افتخار راغبؔ
ہے سماعت شب گزیدہ روشنی باتیں تری
لفظ پر کرتی ہیں طاری بے خودی باتیں تری
…
کیا کہوں کیا کہہ رہی ہے تیری آنکھوں کی چمک
کیسی فرحت بخشتی ہیں اَن کہی باتیں تری
…
پوچھ مت خاموش کیوں آتا ہوں باہر سے نظر
گونجتی رہتی ہیں مجھ میں ہر گھڑی باتیں تری
…
کیوں نہ ہوتا میں ترے حسنِ تکلم پر نثار
شعر میرے بات جیسے، شاعری باتیں تری
…
ہر طرف میری ہے فرحت ناک آوازوں کا رقص
مضمحل ہونے نہ دیں شاید کبھی باتیں تری
…
وجہِ خوف و رنج تیری جان لیوا خامشی
باعثِ خوش رنگی و آسودگی باتیں تری
…
کیا خبر تجھ کو دلِ راغبؔ میں کیا برپا رہا
کیا غضب ڈھاتی رہیں شوخی بھری باتیں تری
تبصرے بند ہیں۔