احمد علی برقیؔ اعظمی
مشتاق یوسفی جو تھے عالم میں انتخاب
تھے وہ سپہرِ اردو کے رخشندہ ماہتاب
…
اردو ادب کو اُن پہ ہمیشہ رہے گا ناز
ان کی نگارشات کا کوئی نہیں جواب
…
برِ صغیر میں ہی نہیں تھے وہ سربلند
تھے وہ جہان فکر میں فنکار کامیاب
…
گُلہائے رنگارنگ کی خوشبو سے جا بجا
ہے گلشنِ ادب میں معطر ہر اک کتاب
…
سب سرگذشت لکھتے ہیں ان کی ہے زرگذشت
عہد رواں میں طنز و ظرافت کا احتساب
…
ادبی نقوش شہرۂ آفاق اُن کے ہیں
ہوتے رہیں گے اہلِ نظر جن سے فیضیاب
…
طرزِ بیاں میں طنز و ظرافت کی روشنی
ہے کوئی ماہتاب تو کوئی ہے آفتاب
…
عہدِ رواں میں جو بھی ہیں اردو کے قارئین
اُن کی نگارشات میں زندہ ہے ان کا خواب
…
درجات اُن کے خُلدِ بریں میں بلند ہوں
اردو ادب پہ اُن کے ہیں احسان بے حساب
تبصرے بند ہیں۔