یوں زندگی کا ساتھ نبھائے ہوئے تو ہیں

جمالؔ کاکوی

یوں زندگی کا ساتھ نبھائے ہوئے تو ہیں

پاؤں کی بیڑیوں کو بجائے ہوئے تو ہیں

…

پنچر ہوئ تو تھی ذرا رکنا پڑا مگر

منزل پہ چل کہ دور سے آئے ہوئے تو ہیں

…

سورج نظر نہ آئے تو سورج کا کیا قصور

دنیا پہ اپنا رنگ جمائے ہوئے تو ہیں

…

ان سے دلِ ہزیں بھی تقاضہ نہ کرسکا

جھوٹی قسم تھی دل کو بتائے ہوئے تو ہیں

…

ویسا خلوص ویسی وفا اب کہاں سے ہو

آخر ہوا شہر کی وہ کھائے ہوئے تو ہیں

…

بے دست پا ہوئے مگر خدار میرے دوست

ظالم کے آگے سر کو اٹھائے ہوئے تو ہیں

…

ہم کو رقیب کہتے ہیں ہڈی کباب میں

ویسے ہم ان کے خاص بلائے ہوئے تو ہیں

…

لگتاہے چارچاند بھی ان کے وقار میں

تصویر میری گھر میں سجائے ہوئے تو ہیں

…

اغیار ہم سفیروں کو اپنا سمجھ کہ وہ

نادان اپنی جان گنوائے ہوئے تو ہیں

…

یہ خوف ہے کہ وقت پہ اک دوست بھی نہ ہو

دشمن کو اپنا دوست بنائے ہوئے تو ہیں

…

ہے خون میرے دل کا یا رنگ حنائ ہے

دنیا سے ایک راز چھپائے ہوئے تو ہیں

…

من کی تو خیر چھوڑیے تن ہوسکا نہ پاک

عزت مآب گنگا نہائے ہوئے تو ہیں

…

کرسی ملے تو کتنے گھروں کو اجاڑ دیں

جتنا کو سبز دکھائے ہوئے تو ہیں

…

رنگون سے صدائیں یہ آتی ہیں آج کل

آخر کسی کہ ہم بھی مٹائے ہوئے تو ہیں

…

ان کی سماعتوں کا ہوتا ہے کیا اثر

ہم اپنی دھن میں بین بجائے ہوئے تو ہیں

…

ہر شام اپنے گھر میں بھی شمع جلا سکیں

اتنا جمالؔ ہم بھی کمائے ہوئے تو ہیں