درد دل میں جگا دیا تونے
دستگیر نواز
درد دل میں جگا دیا تونے
خوب اچھا صلہ دیا تو نے
…
رک گئے تھے قدم جہاں میرے
حوصلہ کچھ بڑھا دیا تو نے
…
آگ دل میں لگا کے چپکے سے
جلتا شعلہ بجھا دیا تو نے
…
ساری دنیا کو ہوگیا معلوم
شور ایسا مچادیا تو نے
…
تجھ کو لکھا تھا کس محبت سے
میرے خط کو جلا دیا تو نے
…
یاد کرتے ہیں آج بھی تجھ کو
ہم کو دل سے بھلا دیا تو نے
…
چڑھ گیا تھا نواز نظروں میں
ایک پل میں گرادیا تو نے
تبصرے بند ہیں۔