یاسرعرفات طلبگار
(ساکن دُدھوت، ڈوڈہ جموں کشمیر )
چراغِ مصطفیٰ کے چار پرتو
ابو بکر و عمر، عثمان و حیدر
…
خلیفے ہیں سبھی اپنے نبی کے
مسلماں کے لئے چاروں برابر
…
شریعت کے محافظ ،دیں کے داعی
سراپا زہد و تقویٰ کے ہیں پیکر
…
کوئی انساں نہیں بو بکر جیسا
وہ ہر دم ہے سخاوت کا سمندر
…
عمر کے نام سے شیطاں گریزاں
علی کے سامنے سر خم ہے خیبر
…
کہیں دشت و بیاباں ان کے تابع
کہیں زیرِ قدم ان کے سمندر
…
کیا قرآں جمع امت کی خاطر
یہ ہے عثمان کا احسان ہم پر
…
حیاء، عفت، عفو عثماں کا خاصا
وہ ان اوصاف میں سب سے ہے برتر
…
معزز ہے جہاں فاروقِ اعظم
ذلیل و خوار ہیں دشمن وہیں پر
…
اسے جنت نہیں دوزخ ملے گی
کرے سبّ و شتم کوئی جو ان پر
…
کروں جیسے بیاں میں ان کی عظمت
ہے یاسر ان کی عظمت اس سے بڑھ کر
تبصرے بند ہیں۔