اردو سرگرمیاں

سیدہ اطہر تبّسُم ناڈکرکی تصنیف ’گلستانِ تبّسُم‘ کا رسم اجراء

معروف قلم کارسیدہ اطہر تبّسم ناڈکرکے سماجی، اصلاحی وادبی مضامین کامجموعہ ’’گلستانِ تبّسُم‘‘ کی رسم اجراء آج یہاں کریمی لائبریری، انجمنِ اسلام اردو ریسرچ انسٹی چیوٹ ممبئی میں بدست محترمہ خیرالنساء سیداقبال صاحبہ (اُم تبسم منظورناڈکر)عمل میں لائی گئی۔

مزید پڑھیں >>

’مخاطب‘ کے زیر اہتمام ایک شام کیفی اعظمی کے نام

 ’’ مخاطب ‘‘ کے زیر اہتمام ’’ایک شام کیفی آعظمی کے نام ‘‘ لیوانا سویٹ واقع مدن موہن مالویہ روذ پر منعقد کیا گیا۔ اس پروگرام کی صدارت جناب ابھیشک شکلا جی نے کی اور بطورمہمان خصوصی جناب سید حسین تاج رضوی نے شرکت کی۔ اس موقع پر’مخاطب ‘کی صدر عائشہ ایوب نے مدعو شعرا اور دانشوروں کا تعارف پیش کیا۔

مزید پڑھیں >>

کاروان اردو قطر کے زیر اہتمام الوکرہ میں تاریخ ساز ادبی تقریب

  تلاوت کلام اللہ کے بعد دوحہ کی معروف سماجی شخصیت، مختلف ثقافتی وادبی تنظیموں کے سرپرست اور کاروان کے چیئرمین جناب عظیم عباس نے خطبہء استقبالیہ پیش کیا اور مشاعرے کے معاونین کا شکریہ ادا کیا، اس کے بعدمقامی اور مہمان شعرا کو میمنٹو پیش کیے گئے، تمام مقامی شعرا نے صاحب جشن ڈاکٹر راحت اندوری کے مبارک ہاتھوں سے میمنٹو وصول کیے جبکہ مہمان شعرا کی خدمت میں دوحہ، قطر کی مختلف ادبی اور سماجی شخصیات نے میمنٹو پیش کیے۔

مزید پڑھیں >>

دبستان اقبالؒ کی جانب سے ’اقبال و ملوکیت‘ پر خصوصی لیکچر کا انعقاد

 دوران خطبہ حال کا منظر قابل دید تھا جو اہل علم خواتین و حضرات سے کچھا کچھ بھرا ہوا تھا۔ شرکاء کی خطبے میں دلچسپی بھی قابل تعریف تھی۔ حسب سابق دابستان اقبال آج بھی اپنے بنیادی ہدف میں کامیاب نظر آیا کہ ہر پہلو میں اقبال سے ایک مفصل رہنمائی لینے کا عمل جاری رکھا جائے اور اس عمل کو سوسائٹی کے بااثر افراد اور طبقات تک پھیلانے کی کوشش بھی ہو۔

مزید پڑھیں >>

’ہندستانی زبان‘ کے فروغ میں بابائے قوم مہاتما گاندھی کا کردار

  مہاتما گاندھی کی ادارت یا نگرانی میں جو اخبارات یا رسائل شائع ہوتے تھے ان کی پالیسی میں یہ بات شامل تھی کہ وہ اُردو اور ہندی دونوں رسم الخظ کا خاص خیال رکھیں گے۔ اس کا ثبوت ہمیں ’’ندائے ملت ‘‘میں عبدالسلام صدیقی کا شائع شدہ مضمون سے ملتاہے۔ جس میں ’’ہری جن سیوک ‘‘اخبار کے ہندی اُردو ایڈیشن کو ایک ساتھ بند کر دیا گیا تھا۔ اس معاملے میں گاندھی جی نے ردّ عمل ظاہر کرتے ہوئے اپنا موقف واضح کیا۔

مزید پڑھیں >>

کتاب ’حضرت مولانا علی میاں ندویؒ: یادوں کے جھروکے سے‘ کا رسم اجرا

12 جنوری 2018 کی رات ایک یادگار ادبی تقریب کے دوران مذکورہ کتاب کی رسم رونمائی عمل میں آئی،  تقریب کے ناظم اور جدید ترقی پسند شاعری کی معروف آواز جناب عتیق انظر صاحب نے فرمایا: کہ اس کتاب کے مصنف ہمارے عزیز دوست اور کاروان اردو قطر کے جنرل سکریٹری جناب محمد شاہد خاں ندوی صاحب ایک علم دوست اور لکھنے پڑھنے سے گہرا تعلق رکھنے والے شخص ہیں، وہ مترجم بھی ہیں اور اس پہلے کئی کتابوں کا ترجمہ کر چکے ہیں، انکی یہ نئی کاوش برصغیر کے مشہور عالم مولانا علی میاں ندوی رحمہ اللہ کے بارہ میں ہے، اس موضوع پر مزید اظہار خیال کے لئے میں کاروان اردو قطر کے نائب صدر جناب حسیب الرحمن صاحب کو زحمت دوں گا۔

مزید پڑھیں >>

الحرا ایجوکیشنل ٹرسٹ کے زیرِ اہتمام شعری نشست کا انعقاد

الحرا ایجوکیشنل ٹرسٹ کے زیرِ اہتمام الحرا نیشنل اکیڈمی شرافت نگر  بہادرگنج، کشن گنج میں مورخہ 13 جنوری 2018 بروز سنیچر، ڈاکٹر خالد مبشر (استاد شعبئہ اردو جامعہ ملیہ اسلامیہ دہلی) اور ڈاکٹر قسیم اختر (مدیر سہہ ماہی ابجد، ارریہ) کے اعزاز میں شعری نشست کا انعقاد ہوا۔

مزید پڑھیں >>

قلم کاروان

  منگل مورخہ 9جنوری 2018 بعد نماز مغرب قلم کاروان کی ادبی نشست مکان نمبر1اسٹریٹ 38، G6/2اسلام آبادمیں منعقد ہوئی۔  ایجنڈے کے مطابق آج کی ادبی نشست میں صدربزم شوری جناب سلطان محمودشاہین کا مقالہ بعنوان’’قدرت کی منصوبہ بندی‘‘پیش ہوناطے تھا۔ آج کی نشست میں بزم شوری پاکستان کاتعاون بھی شامل تھا۔ معروف کالم نگارجناب میرافسرامان نے صدارت کی۔  ادبی نشست کے آغازمیں ڈاکٹرساجدخاکوانی نے تلاوت کی اورانجینئرمجاہدحسین نے مطالعہ حدیث پیش کیا۔

مزید پڑھیں >>

ممتاز پی جی کالج میں مقابلہ شعر وسخن منعقد

آج ممتاز پی جی کالج کی لٹریری سوسائٹی کے زیراہتمام منعقد ہورہے سالانہ مسابقاتی پروگرام کے دوسرے روز شعر وسخن کامقابلہ ہوا۔ اس مقابلہ کی اہمیت کااندازہ اس بات سے لگایاجاسکتاہے کہ طلباء وطالبات نے اپنی خودنوشت نظمیں پڑھیں۔ اور اردو، ہندی اورانگریزی تینوں زبانوںمیں اپنے منتخب اشعار کے ذریعہ اپنی چھپی ہوئی صلاحیتوں کامظاہرہ کیا۔

مزید پڑھیں >>

مجلس فخر بحرین کی جانب سے انور جلال پوری کے سانحۂ ارتحال پر تعزیتی نشست

معروف ناظم مشاعرہ ، ادیب، مصنف، شاعر جناب انور جلال پوری کے سانحہ ارتحال پر ایک تعزیتی اجلاس مجلس فخربحرین برائے فروغ اردو کے زیر اہتمام گزشتہ شب، دو جنوری بروزمنگل مجلس کے بانی محترم شکیل احمد صبرحدی کی رہائش گاہ پرمنعقد ہوا، جس میں بحرین کے معتبر شعراء کرام، نثر نگار اور ممتاز سماجی و ادبی شخصیات نے شرکت فرمائی۔ اس تعزیتی اجلاس کے میر محفل محترم شکیل احمد صبرحدی تھے جب کہ بحیثیت مہمانانِ خصوصی ڈاکٹر شعیب نگرامی، معروف ادب نواز شخصیت محترم نور پٹھان صاحب و محترم احمد عادل موجود تھے۔

مزید پڑھیں >>